台灣史2作業4 

      我想，這規个禮拜來所看ê影片，予我印象殤深ê是「牽阮的手」，這是一个有動畫、有紀錄片、有黑白影像，三種無仝ê寫實方式所表現出來的紀錄片，男、女主角─田朝明醫師和伊的夫人田媽媽，講著in長期奮鬥ê故事；而且這个故事愛對in的愛情故事說起。

      影片中從228事件到之後的白色恐怖、美麗島事件、林家血案，一件一件像佇咱的面頭前演出，逐個攏分別予當事人in家已出來說明，閣有逐個報紙、雜誌的頭版報導。遮的事件，雖然是透過影片來表現，但是我看了以後，感覺心中非常傷心，難免抑是有一寡仔遺憾。田朝明伊對一開始到最後攏堅持台灣愛獨立建國，伊毋干焦有這个理念，而且閣共理念做出行動。看了影片了後，煞感覺讀台語系的咱，假那愛為台灣做一寡仔代誌才對，但是煞毋知影愛做啥物...。

      雖然這馬台灣離真正的民主閣有一段真遙遠的路，但是希望「牽阮的手」一的影片會使予台灣人有危機的意識，逐家攏效法田朝明醫師的精神，去為台灣的未來來打拼！安呢我相信美好的台灣著袂來啊！