Jocasta Han

1.冊名：白色恐怖Ｘ檔案

2.作者：林樹枝(枝伯) 著

3.出版社：前衛出版社

4.內容介紹：

    這个書帶予台灣人民難以言喻的災難歷史實誌，介紹了偌濟位佇獨裁制度下的台人，為了爭取自由、民主、平等下跤，袂按怎樣佇這个艱苦的環境中去追求，in不但付出了寶貴的時間、生命、青春，有的予獨裁政府關入牢獄裡抑是予判刑槍決。

    毋干焦反體制的人士犧牲佇白色恐怖中，連真濟無辜的百姓也予牽連。內容收錄了三十偌件白色恐怖時期的代表性案件，紀錄其間的代誌，陳述事實的真相，還原規个理想與意志，讓我們了解彼个時代的苦難。

5.心得：

    佇老師播放有關白色恐怖的影片時，我咧讀這本書「白色恐怖X檔案」，拄仔好講起因為台獨案第一个遭受國民黨槍決的陳智雄，伊也是我佇這本書中印象較深刻的人物，伊駐佇印尼也幫助in爭取了獨立，後來伊紲因為鼓吹台灣獨立予當時受著中共壓力的印尼政府抓起來，看到這段故事的時陣我感覺真憤怒，哪會使得無感恩伊顛倒抓伊咧？經過真濟代誌真濟波折，後來伊閣予國民黨政府共抓起，以「懲治叛亂條例第二條第一項」起訴，毋過堅決欲宣傳台灣獨立建國的陳智雄到死攏毋後悔，後來伊予銃決，欲受刑前伊閣咧大聲喝「台灣民主共和國萬歲，台灣人民萬歲」。佇我看了有關伊的故事時，我的心情感覺真沉重，我生活佇這个平和的世代，實在是真歹想像彼當陣的艱苦環境，干焦是宣導台灣獨立就予政府抓起來閣銃決，我干焦會使用想的爾爾紲因為按呢就感覺驚惶，佇高壓統治下這个犧牲者，實災是予我真佩服甲惋惜。

    書內底閣有一篇故事予我真著驚，「許曹德」這个名我干焦有聽過，紲毋知影這个大人物嘛是主張台灣獨立的人，伊恰蔡有全的台獨案嘛予我讀這本書讀甲真深个印象。彼陣時召開「台灣政治受難者聯誼總會」，表示有異議的許曹德恰擔任主席的蔡有全，突破國民黨尚大的禁忌修改議程項目變「台灣獨立」，這群愈失敗愈勇的政治受難者將此明寫入章程內底，不干焦攻擊國民黨，閣警告中共莫閣用袂用血洗台灣來嚇阮。故事看到遮，我的心怦怦一直跳，in的正直、勇氣甲膽識真教我為in 擔心。當然後來許曹德恰蔡有全嘛是予國民黨政府抓起，但是過程中in毋愛接受出庭，用時間換空間，後來in抑是有去法院，紲創下欲14小時的審問時間，因為有真多支持in的人來甲in支持，阻撓了法院審判。in閣發表了「台灣應該獨立」共識人聯合宣言，而且美國參、眾議院嘛寫批予李登輝總統要求共in兩个人放開。

    看了這本書，我才知影就算是佇戒嚴時期、解嚴時期，嘛有一群人咧為台灣、為這个國家做奉獻、犧牲，大家都嘛是為了台灣的未來咧想，不過就是要予自己的國家閣較進步矣！我感覺政治惡鬥、政府恰人民惡鬥、財團恰百姓惡鬥，遮攏是予社會退步的根源，想著過往遐為台灣付出的烈士，in尚早的意志就是欲建立一個干焦屬於台灣人的國家，咱是一个民主國家、是一个有自主權的國家，咱不受個人抑是黨派的統治，咱不受別人、別國的欺負，咱要做咱自己國家的主人，咱要建立獨立的台灣。

    所以，我嘛支持台灣獨立！